బ్లాగులు - గ్రూపులు - అన్యాయాలు

అందరూ ఒకసారి గుండెల మీద చెయ్యి వేసుకుని చెప్పండి . ఎంత మంది బ్లాగర్లు హాయిగా బ్లాగుతున్నారు .వాళ్ళల్లో ఎంత మందిమీద దాడులు జరుగుతున్నాయి. కొందరిమీద తప్ప! వ్యక్తిగత విభేదాలు లేదా ఆధిపత్య పోరులో కొందరికి పుట్టిన నెప్పి అందరికీ అంటించే ప్రయత్నాలు తప్ప మరేం లేదిక్కడ అనేది నాకొచ్చిన మెయిల్ లో మెజారిటీ బ్లాగరుల అభిప్రాయం.

నిన్న ఒక మిత్రుడు తన మెయిల్లో ఇలా అన్నాడు :

రాతి యుగంలో ఎప్పుడైతే ఒక మనిషి ఒక ప్రాంతం చుట్టూ కంచె వేసి అది నాది అనడం మొదలెట్టాడో అప్పుడే మనుషుల మధ్య అసమానతలు మొదలయ్యాయి. అలాగే బ్లాగుల్లో కూడా గ్రూపులు కట్టి ఎవరైనా కాస్త వ్యంగ్యంగా మాట్లాడితే చాలు దాడి చేయడానికి లేదా అవకాశం కోసం పొంచి ఉండి మరీ దాడి చేయడానికి ప్రయత్నించడం అనే అనారోగ్యకరమైన వాతావరణం సృష్టించి .... ఏదైనా నెత్తి మీదకి రాగానే తమ జెండర్ ని బలహీనతగా చూపి సమాజం ఆసరాకి యత్నించడం వల్లనే ఇదంతా మొదలయింది అని చెబుతూ ఇంకా ఇలా అన్నాడు.

ఆయనకీ ఒక గ్రూపు లీడర్ కి మద్య తలెత్తిన వ్యక్తిగత విభేదాన్నికాస్త ఆ గ్రూపు కి ఈయనకి మద్య విభేదం గా సదరు లీడర్ గారు మార్చేసి అగ్నికి ఆజ్యం పోశారట. ముందు వెనుక చూడకుండా , నిజానిజాలు తెలీకుండా కామెంట్లలో " తలంటడం" ఆ గ్రూపుకి వెన్నతో పెట్టిన విద్యట. తన సొంత గొడవని గ్రూపు సభ్యులకి ఈమెయిలు రూపంలో పంపడం వారి సహాయాన్ని కోరడం ఒక తప్పయితే ... ముందు వెనుకా చూడకుండా ఈయన గారికి పాడె కట్టడానికి అందరూ రెడీ అయిపోవడం యెంత అహంకారం యెంత విడ్డూరం యెంత అహంభావము అని ఆ మిత్రుడు అన్నారు.

ఇక్కడ ఇంకో పిల్ల పిట్ట కధ చెబుతా అంటూ ..... ఈ గొడవల మద్య ఒక తెల్లవారుజ్హామున ఒక "ఆకాశం" పుట్టింది. అది కాస్తా ఒక మహిళా బ్లాగరు మీద అదారాలు ఉన్నాయి అంటూ అనేక అనుమానాలు వ్యక్తం చేస్తూ (నిరాధారమని తర్వాత తేలింది) ఆ బ్లాగర్ యొక్క గొంతు కూడా రికార్డ్ చేశానని బెదిరిస్తుంటే .. ఆ అన్యాయాన్ని ఈనాటి మహిళాజన పరిరక్షకులు , మహిళలకి అన్యాయం జరుగుతుంది అని మొత్తుకునే వారు ఒక్కరంటే ఒక్కరు కూడా ఇదేమని అడగలేదు. అంటే గ్రూపు సభ్యులే మహిళలా ? వేరేవాళ్ళు కాదా ? ఒక ఆడమనిషి నమ్మి చెప్పిన మాటలు రికార్డ్ చేసి బయట పెడతా అని బెదిరించే పర్వర్ట్ ని ఇదేం న్యాయం అని ప్రశ్నించిన దాఖలాలు లేవు. ఇంకొక మహిళ ఆఫీసులో ఏదో జరిగింది అందుకే ఆమె బ్లాగు మూసుకుంది అని గత పది రోజులుగా బ్లాగ్ మహిశాసురులు విశృంఖల నృత్యం చేస్తుంటే ఒక్కరికీ కనిపించలేదే , వినిపించలేదే ఏం వారిద్దరూ ఆడవాళ్ళు కారా??? .. అక్కడ విషయాన్ని ఖండించిన మీ ఖండనలు వీళ్ళకి కనిపించలేదా ??????
గ్రూపులు కట్టడం ...... గ్రూపులో వ్యక్తుల వ్యక్తిగత తగాదాలో అందరూ తల దూర్చడం. ఏదైనా అనుకోని అవాంతరం వస్తే ... తమ జెండర్ లని అడ్డు పెట్టుకోవడం. లేదా బ్లాగ్లోకానికే అన్యాయం జారుతుంది అని అరవడం ... పసి పిల్లలకి చెప్పమనండి వింటారేమో అని ఇంకో మిత్రుడు ఆవేశంగా అన్నాడు .

"లోకుల మీద అన్యాయపు దాడులు జరిగితే మాకెందుకులే అని ఊరుకునే వారు తమ దాకా వచ్చేసరికి అది మొత్తం లోకం మీద జరిగేదాడిగా వర్ణించడం ఒక ఎత్తైతే .. అసలు విషయం తెలీని కొన్ని జొల్లు పార్టీలు చొంగ కారుస్తూ వచ్చి తందానా తాన అంతు డప్పు కొట్టి తమ విధేయత ప్రదర్శించడం మరొక ఎత్తు. సరిగ్గా ఇదే సమయంలో ఊరూ పేరు లేని కొత్త కొత్త బ్లాగ్ ట్యూబ్ బేబీస్ పుడుతుంటారు . స్మైలీలు పెడితే తప్పు. వీరికి నచ్చని బ్లాగుల్లో పోయి ఎవరైనా కామెంట్లు పెడితే తప్పు .... మళ్లా ఆ తప్పులను బ్లాగ్ ట్యూబ్ బేబీస్ ఎత్తి చూపడం ఒక కామెడీ "అన్నాడు ఇంకొక మిత్రుడు.

వీరి మాటల వల్ల నాకు అర్ధమైన నీతి : ఎవరి బ్లాగులు వారు రాసుకుంటే , మూసుకోవాల్సిన అగత్యం పట్టదు.