తొలి టపా నా తొలి ప్రేమ గురించే

పదేళ్ళ కింద అనుకుంటా ఒలాంగో ని హీట్ స్ట్రీక్ ని సచిన్ చీల్చి చెండాడుతున్నాడు, జింబాబ్వే వర్సెస్ ఇండియా మాచ్లో. 'ఆహా!!! ఏమి నా అదృష్టము కన్నుల పండుగగా ఉన్నదీ పరుగుల వరద'... అని టీవీ కి నాకు కేవలం అడుగు దూరంమాత్రమే ఉంచుకుని మరీ చూస్తున్నా ( గమనించండి... మీ ఇళ్ళల్లో చాల మంది పిల్లలు వాళ్ళకి తెలీకుండానే టీవీకిదగ్గరగా పోతుంటారు ). సరిగ్గా అదే సమయంలో అనూహ్యంగా ఒక అనుకోని సంఘటన జరిగింది ...

మా ఇంటికి చుట్టాలోచ్చారు!!

వాళ్ళకి టీ కాఫీ ఇవ్వడానికి ఇంట్లో పాలు లేవనుకుంటా... హైరానా పడుతున్న మా అమ్మ కంటికి అమాయకంగా టీవీచూస్తున్న నేను కన్పించా. వెంటనే "సీనయ్యా బజారెల్లి పాల పేకెట్టు తీస్కు రా నాన్నా" అని పురమాయించింది. అయిష్టంగా బయల్దేరా .. కొత్త చుట్టాలాయే .. పాత వాళ్ళైతే పోనని గొడవ చేయోచ్చు ...

సరిగ్గా అప్పుడే జరిగింది అనుకోని ఘటన...

నా పాటికి నేను నా హీరో రేంజర్ సైకిల్ మీద వెళుతున్నా. వీది మలుపుకెల్లేటప్పటికి ఎదురుగా ఒక అమ్మయి.. ఆహా! ఎంత అందంగా ఉంది అంటే అంత అందంగా ఉంది .. అమెనలాగే చూస్తూ ఉన్నా. సడన్ గా పెద్ద సౌండ్ వచ్చింది. ఏంటాఆని చూద్దును కదా పెద్ద లారి ఆగి ఉంది. అందులో నుండి తల బయటికి పెట్టి " ఇటు చూడు సామే" అంటున్నాడు డ్రైవర్. ఇందాక వచ్చిన సౌండ్ లారి సడన్ బ్రేక్ వల్ల అని అర్ధం అయ్యింది.

(సినిమాలలో హీరోయిన్ ని చూస్తూ ఆక్సిడెంట్ చేస్కున్న సీన్స్ చూసి మరీ ఇలా ఉంటారా అనుకునే వాడ్ని..)

డ్రైవర్ కామెంట్లకు కాస్త సిగ్గు పడి బొటన వేలు నెలకేసి రాసి అదేదో సినిమాలో వెంకటేష్ లాగా ఎక్ష్ ప్రె షన్స్ ఇచ్చుకుంటూ అక్కడి నుండి బయట పడ్దా .. అమ్మాయి కోసం చూసా.. కన్పీలేదు.. ఎటు వెళ్లిందో ..!!

సచిన్ ఏమయ్యాడు... మాచ్ ఏమైంది... మా అమ్మ చెప్పిన పాల పేకెట్లు ఏమయ్యాయో గాని ... చాల సేపు వెతికా.

ఆ అమ్మాయి మళ్ళి కన్పీలేదు!!

ఆ రోజే దేవుడిని కోరుకున్నా మళ్ళా ఆ పిల్ల కనిపించే సమయానికి అటు వైపు లారి గాని ఏ ఇతర వాహనం గానిరాకుండా చూడమని.

కానీ ఇంత వరకు ఆమె మళ్ళా కన్పీలేదు ...