అట్లాంటి ఇట్లాంటి హీరోని కాను నేను

3/14/09

నా తొలి పెళ్లి చూపులు

బుల్లెట్ బైక్ మీద రయ్యి మని దూసుకుపోతూ ఉండగా ఫోన్ మోగింది జేబులో .. అమ్మ చేసింది ... " ఇప్పుడే పేరయ్యగారు (పేరు మార్చా) ఒక ఫోటో తెచ్చి ఇచ్చారు రా.... అమ్మాయి కుందనపు బొమ్మ లా ఉంది నువ్వు త్వరగా వచ్చి చూస్కో" అనిపెట్టేసింది. ఆ ...ఏదో  ఫోటో ఇచ్చి ఉంటాడులే అని నా షికార్లు పూర్తి చేస్కుని తీరుబడిగా రాత్రి తొమ్మిది గంటలకు చేరుకున్నా .. ఆ ఫోటో  విషయమే   మర్చిపోయ్యా అసలు .. భోజనాలయ్యాయి హటాత్తుగా గుర్తొచ్చినట్లు ఉంది అమ్మకి... వెళ్లిఫోటో తెచ్చి ఇచ్చింది . ఫోటో లో అమ్మయిని అలా చూసా అంతే తెల్లని మాక్సీలు వేసుకున్న పన్నెండు మంది దేవతలునా చుట్టు డాన్స్ చేస్తున్న ఫీలింగ్ ... నా మీద మల్లె పూల రెక్కలు పడుతున్నట్టుగా ...... ఏదో పాట హిట్ సాంగ్ కి సంబందించిన బ్యాక్ గ్రౌండ్ మ్యుసిక్ వస్తుంది వెనుక నుండి .. .తిరిగి చూస్తే వెనక పది మంది వయోలిన్ వాయిస్తున్నారు.
 
పడిపోయా ..........నిలువెల్లా మునిగిపోయ్యా.

జస్ట్ నాలుగు రోజుల ముందే పోకిరి సినిమా చూడడం తో ఆ ఎఫెక్టు బాగా పని చేసింది .. రాతిరంతా కునుకు లేదు ఏమెట్టికన్నారు రో ..అ దేవ దేవ దేవ దేవుడా అంటు పాడుకుంటూ ....... పెళ్ళంటూ చేస్కుంటే ఈ
అమ్మాయినే చేసుకోవాలి అని చాలా సార్లు అనుకుంటూ ...... అహ యెంత అందంగాఉంది .. నాకోసమే పుట్టిందా .. ఇలాంటి ఊహలతో కాలం గడుపుతూ ఉండగా తెల్లవారింది.

ఎప్పుడెప్పుడు అమ్మ ఈ టాపిక్ తెస్తుందా అమ్మాయి నచ్చింది అని చెబుదామా అని నా తపన, నా తాపత్రయం వర్ణనాతీతం. అమ్మేమో మరచి నట్లు ఉంది .. ఇప్పుడెలా .... సరే మనమే కదిలిద్దాం .. "అమ్మా .. అ అమ్మాయి కాస్త హైటుతక్కువ అనుకుంటా " ఏదో ఒకటి అనాలి కనుక అన్నా ... .. నా మీద తూటాల వర్షం మొదలైంది. " చవటా ఐదు ఆరు రా హైటు ఫోటో వెనక రాసి ఉంది సరిగ్గా చూడలేదా" అంటు... " ఒహ్ సరేవెళదాం అంటావా చూడడానికి " అనే లోపే " ఇరవై ఆరో తారీకు వెళ్తున్నాం మనం విజయవాడ..... ఆ రోజు మంచి రోజు......... ఈజులపాలు తగ్గిచ్చి పద్దతిగా తయారవ్వు" అంది అమ్మ

అమ్మా నీవెంత మంచి దానవు " ఓ అమ్మా నీ అనురాగం " అని పాట అందుకునే లోపే ముందా బికారి వేషం మార్చు అన్నది అమ్మ .. సరే అంటు బయల్దేరా సమయం పదకొండు గంటలు ఇంటి నుండి బయట పడ్డా . నేను రెగ్యులర్ గావెళ్ళే మంగలి షాప్ కే వెళ్తున్నా .. సరిగ్గా అప్పుడే అనుకోని సంఘటన ,...నేను యదాలాపంగా తల తిప్పడం నాజీవితాన్ని మలుపు తిప్పింది ..

కొత్తగా పెట్టిన షాపు తాలూకు బోర్డ్ .  అందులోను  పెండ్లి కుమారుని మేకప్ మా ప్రత్యేకత అని ఉన్న ఒక చిన్న బోర్డ్ నా ద్రుష్టి ని ఆకర్షించింది. రేపు మేకప్ వీడి దగ్గరే వేయించాలి కాదా అనుకున్నా. .. అంతే రెగ్యులర్ గా వెళ్ళే షాప్ని కాదని కొత్త కోర్కెలతో అమ్మాయి కి అందంగా కనపడాలనే కోటి ఆశ లతో లోపల అడుగు పెట్టాను .. ఆహ్లాదకరం గాఉంది లోపల వాతావరణం, అద్దం ముందు నన్ను నేను చూస్కున్నాను .. ... ఏ టైపు కటింగ్ సార్ అంటు వచ్చాడొకకుర్రాడు ... ఏ టైపు వద్దు వెనక వైపు కాస్త తక్కువగా ముందు కి మాములుగా ఉంచు నీట్ గా అందంగా అని చెప్పా. దువ్వెన కత్తెర తీస్కుని విదురుడు అంత వినయం గా దగ్గర కొచ్చాడు ... అంతే " సుబ్బారావు ఆగు " అని గంభీరం గాఒక స్వరం వినబడింది ... నేను సోకాల్డ్ సుబ్బారావు ఒకే సారి తల తిప్పి చూసాము.

షాపు ఓనర్ అనుకుంటా వచ్చాడు ఈ సార్ కి నేను చేస్తా అంటు .. ఏంటో స్పెషల్ మరి అనుకునేంతలో మీరు నాకుతెలుసు సార్ ఎప్పుడు ఆ గొకేస్తా గోరిగేస్తా (పేరు మార్చడమైనది )షాపు కి వెళ్తారు కదా నాకు తెల్సు వాళ్ళ కన్నా బాగాచేస్తాం సార్ అయినా అందరు ఫొర్ స్ట్రోకు బండి వాడే ఈ రోజుల్లో కూడా బుల్లెట్ బైకు ని మీరు వాడుతున్నారు... మీరుడిఫరెంటు సార్ అన్నాడు ( పోగిడాడా తిట్టాడా ) .. సరే బాగా చెయ్యండి వెనక తగ్గించండి ముందు నార్మల్ గా ఉంచండిఅని చెప్పి తల వాడికిచ్చి కళ్ళు తీస్కెళ్ళి అక్కడ పక్కనే ఉన్న ఈనాడు పేపర్ లో పెట్టా. అందులో అనూష్క ని చూడ గానేఫోటో అమ్మాయి గుర్తొచ్చింది .. మళ్ళా సేం సీన్ తెల్ల మాక్సీ లలో డజను మంది దేవతలు నా చుట్టూ డాన్స్ . అదే వయోలిన్ సంగీటం. ఆపారవశ్యాన్ని బ్రేక్ చేస్తూ షాపు వాడు పిలిచాడు సార్ అంటూ మెల్లగా .... ఏంటో ఆ అమ్మాయి ఫోటో చూసిన దగ్గర నుండిఅందరి గొంతులు మధురం గా వినపడుటున్నాయి ఏంటి అన్నట్టు కళ్ళు ఎగరేసాను. మిషన్ తో చేస్తా అన్నాడు ఓకేఅన్నా .. కొత్తగా తెప్పిచాను సార్ హైదర బాదు లో అంతా దీంతోనే మనం కూడా సిటి లెవల్లో అని ఏదేదో చెప్పాడు . సరేచెయ్యమన్నాను మళ్ళా నా మాక్సీలలోని దేవతలోచ్చారు .. కాసేపైంది .. ఏవో అరుపులు వినబడి తల తిప్పి చూసాను . .. సరిగ్గా పెట్టడం రాదా యాంగిల్ మారింది జీరో సైజు వచ్చింది అనేదో వాళ్ళ వాళ్ళని తిడుతున్నాడు వాళ్ళు తలవంచుకుని ఉన్నారు ... కాని కాని కాని .... పక్క సీట్లలో కూర్చున్న వాళ్ళు నా వైపు జాలి గా ఎందుకు చూస్తున్నారుఅర్ధం కాలేదు నెమ్మదిగా ఏదో అయింది అర్ధం అయింది పైగా నాక్కూడా ఏదో ఫీలింగ్ ఏంటో కొత్తగా ఉంది ఈ ఫీలింగ్ ఎక్కడోఅనుభవించా ఈ ఫీలింగ్ ఎక్కడబ్బా ఆ గుర్తొచ్చింది గాలి నేరు గా బుర్రకి తగుల్తున్న ఫీలింగ్ తిరుపతి లో కదా వస్తుంది రైట్ .. అవును అది ఇప్పుడెందుకు వచ్చింది అనుమానం గా బుర్రతడుము కున్నా నెత్తి మీద జుట్టు ఉంది ఎదురుగా అద్దంలో కూడా ఉంది హమ్మయ అనుకుంటుండగానే చెయ్యి వెనక్కి జారింది .. అంతే గుండె గుబిల్లుమంది .....కారణం అక్కడగరుగ్గా తగిలింది జుట్టు లేదు . " నీ ఎబ్బ రేయ్" అంటూ సీట్ లో నుండి లేచా.. అన్నా అన్నా అన్నా .. ( సార్ కాస్త అన్నాలోకి వచ్చింది ఏంటి ?) అసలేం అయింది అంటే .....అంటే .....అంటే ...అంటే మిషన్ కొత్తది ... అన్నా నేను మిషన్ కి కొత్తఅన్నా అన్నాడు ..

పెంట ( ఇదే మాట ఇంగ్లీషు లో వాడా ) .. ఇప్పుడేంటి రా .. మరి ( నాలో ప్రతి నాయకుడు నిద్ర లేస్తున్నాడు ) "అన్నా కవర్చేస్తా అన్నా" ... " ఏం కవర్ చేస్తావ్ రా" ... .." ఏదో ఒకటి చేస్తా అన్నా" అంటూ కూర్చోబెట్టాడు .. ఆ చెవికి ఈ చెవికి మద్య కిందవైపుకి ఏం లేకుండా గుండ్రం గా గొరిగి పారేసాడు పైన బొచ్చె బోర్లించినట్టు జుట్టు కింద గుండు ( అర గుండా) .. .. నాజీవితం లో నా మీద నేనే జాలి పడే సన్నివేశాలు కూడా చోటు చేసుకుంటాయని .. అది పాతికేళ్ళ వయసులో అని అసలునేనెన్నడు ఊహించలేదు ... ఇప్పుడేంటి దారి .

లాగి పెట్టి రెండు పీకా .. ఐనా వాడేం చేస్తాడు ... పాపం నా కర్మ ఆలా కాలింది హత విధి .. సగం కన్నా పూర్తి గుండే నయం అనుకుని రేయ్ మొత్తం గోరిగేయ్యరా అన్నాను ..."అన్నా" అన్నాడు ఆర్ద్రత నిండిన గొంతు తో
" చెప్పింది చెయ్యి " .. హా ఐపోయింది శుబ్రంగా తీసేసాడు .. గుండు తో బయట కొచ్చా .. ఇప్పుడేంటి ఇంటికెలా వెళ్ళాలి .. మళ్ళా జుట్టువచ్చేదాకా నా పాత మంగలోడు చూసే యెగతాళి చూపులు, ఇందాక నా పక్క సీట్లల్లో ఉండే వాళ్ళు చేసిన ప్రచారానికి జనాల్లో నా గుండు గురించి వచ్చే చర్చలు... అన్ని నా మస్తిష్కం లో సుడులు తిరిగాయి.

ఇంటికి వెళ్ళాను .. సమయం ఒంటి గంట.  పదకొండు గంటలకి క్రాపు చేయించుకుని వస్తా అని వెళ్ళిన కొడుకు ఒంటి గంటకి గుండుతో ఇంటికొస్తే ఆ మాతృ మూర్తి మానసిక పరిస్థితి ఏంటి ఎలా ఉంటుంది.   అవాక్కయి నిచ్చేస్టురాలయి .. నోట మాట రాక .. "ఎంట్రా " అని మాత్రంఅనగలిగింది .. సీన్ మొత్తం వివరించా ... .. మరిప్పుడెలా రా అంటుండగానే గణగణ మంటూ ఫోన్ మోగింది ..

" అమ్మా ఇరవై ఆరు వస్తున్నారుగా" అమ్మాయి తరపు వ్యక్తి .. " లేదండి చిన్న అవాంతరం.... మా చుట్టాల్లో ఎవరికో ఒంట్లో బాగోలేదంట అందుకే రాలేము మేమే ఫోన్ చేద్దాంఅనుకుంటున్నాం" అనేసింది అమ్మ .. ఎందుకో తల తిప్పి చూస్తున్న నాకు ఆకాశం లో నా తెల్ల మాక్సీ దేవతలుదిగులుగా దూరం గా వెళ్లి పోతునట్లు కన్పించింది .. పెంట ( ఇంగ్లీషులో) మరో సరి అనుకుని .. త్వరగా జుట్టు పెరిగేమందులేమన్నా దొరుకుతాయేమో అని ఇంటర్నెట్ లో వెతకడం మొదలెట్టా.


మూడు నెలలు గడిచాయి.. పోలిస్ క్రాపు వచ్చింది అనే ఆనందం లో అమ్మకి చెప్పా వాళ్ళకి ఒక సారి ఫోన్ చెయ్యమని .. పిచ్చి తల్లి వెంటనే చేసింది. " ఐనా మూడు నెలలు మేము ఎన్ని సార్లు అడిగినా దాట వేస్తూ వచ్చారు కాదమ్మా అందుకే మీకు ఇంట్రస్ట్ లేదుఅనుకుని మీ వూరు పక్కనే కందుకూరు లో సంబంధం ఖాయం చేస్కున్నాం" త్వరలో పెళ్లి అనేసారు వాళ్ళు.

ఈ మూడు నెలల కాలం లో నన్ను ఎన్నో సార్లు ఉత్సాహ పరిచిన మాక్సీ దేవతలు .. కందుకూరు బస్సు ఎక్కినట్లు ఆరాత్రి నాకు కల వచ్చింది .మూడు రోజులు నిశ్శబ్దంగా గడిచాయి నాలుగో రోజు వచ్చాడు కందుకూరు నుండి మా దూరపు చుట్టం వెంకట్రాయుడు .. నాకన్నా రెండు నెలలు చిన్న వాడు .." మొన్న పెళ్లి చూపులకేల్లాం కదా పెద్దమ్మా మేము .. పిల్ల బాగుంది మళ్ళాముహూర్తాలు లేవని ఎల్లుండి నిశ్చితార్ధం .పెట్టాడు నాయన . అమ్మాయిది విజయవాడ పలానా వాళ్ళమ్మాయి " అంటుంటే నాకు గుండెల్లో ఎవరో కెలికినట్లు .. పిండినట్లు అనిపిస్తుంది. అమ్మకి ఎక్ష్ ప్రె షన్స్ కరువు .. ఐనా పెద్ద మనసుతో వాడికి తప్పకుండా వస్తా అని చెప్పి పంపింది .

ఆగస్టు పంతొమ్మిది అ రోజు వెంకట్రాయుడి పెళ్లి .. విజయవాడ లో .. నా ఫ్రెండు కం బావ మరిది ఐన ఉమా మహేష్ తోకలిసి మా కుటుంబ సభ్యులతో పెళ్లి కి వెళ్ళాం . అందరు లోపల ఉన్నారు కళ్యాణ మండపం బయట ఉమా మహేష్ కిజరిగింది చెప్పా.....అప్పుడు వాడేం అన్నాడంటే......... " వెంకట్రాయుడి టైము బాగుంది పీటల మీద కూర్చున్నాడు.. నీ టైము సంక నాకి బేవార్స్ గా బజార్ల వెంబడి తిరుగుతున్న్నావ్ .... అయినా సోనాలి బెంద్రే లాంటి అమ్మాయి ని చేస్కోవాలంటే సుడి ఉండాల్సిన దగ్గర ఉండాలి బావ .. నీకది లేదు .. పద పోయి బావ హోదాలో అక్షింతలేయ్యి"

మరో మూడు నెలలు గడిచాయి ..

బజార్లో ఉండగా అమ్మ ఫోన్ " సీనయ్యా పంతులు గారు ఒక అమ్మాయి ఫోటో తెచ్చి ఇచ్చార్రా అమ్మాయి చాలా బాగుందిఆ మంగలి షాపు వైపు వెళ్ళ కుండా నేరుగా ఇంటికి తగలడు"

16 comments:

Anonymous said...

gundu tho try chesundalsindi... may be aa ammai ki gundu nachedemo?
danikanna wig pettukuni adjust chesundalsindi [:P]

సూర్యుడు said...

ఏం జరిగినా మీ మంచికే అనుకుని హాయిగా ఉండండి :)

శ్రీనివాస్ said...

ఆలా అనుకునే కాలం వెళ్ల దీస్తున్నా

Anonymous said...

కధని నడిపిన విధానం బాగుంది సుమా త్వరలోనే అందరిని ఆకట్టుకునే టపాలతో వృద్ది లోకి రావాలని కోరుచున్నా

Anonymous said...

ఏం జరిగినా మన మంచికే అనుకుని హాయిగా ఉండండి

త్వరలోనే అందరిని ఆకట్టుకునే టపాలతో వృద్ది లోకి రావాలని కోరుకుంటూ

Deepa said...

hahah ninnu kavi kaaddddanna vaadini katthitho poduddhamaa rayethi koddadhamaa? hahah amma Cnu babu...... bhale raasaav. kool blog ra hats off N keep it up.
Ayina Gundu fashion nanna, edo oka pratyekatha vunna neeku anthe pratyekatha vunna ammayee raasi petti vuntundi originality ela anna eppudanna Acceptable ra God bless U

చైతన్య said...

మరుసటి రోజు మీ వీధిలోకి ఐశ్వర్య వచ్చుండాలే!

సుజాత వేల్పూరి said...

పాపం!ఇంకెప్పుడూ అలాంటి పార్లర్ల జోలికెళ్ళే ధైర్యం చెయ్యరనుకుంటాను.

Anonymous said...

Naaku Doubtey! :))

Vinay Chakravarthi.Gogineni said...

kummesav..........ee madhya chadiva vaatilo neede top(ee march month mottam lo)
excellent narration

swapna@kalalaprapancham said...

మీకు అ అమ్మాయి రాసి పెట్టలేదు అనుకుంట.వేరే ఇంకో అమ్మాయి ఎకడో ఉండే ఉంటది.
ఇంతకి ఆ second అమ్మాయి ని చూసారా లేదా? All the best.

Anonymous said...

పాపం అలా జరిగిందా !

Sai Praveen said...

LOL!
దేవతలు బస్సెక్కి వెళ్ళిపోవడం బాగుంది :)

KumarN said...

Narration Style was simply the BEST

Deborah Parker said...

మరుసటి రోజు మీ వీధిలోకి ఐశ్వర్య వచ్చుండాలే!

Kevin Prine said...

Narration Style was simply the BEST